Gogoratu hitzaldietan webgunearen bidez edota 4. pabiloiko akreditazioen erakusmahaian izena emateko aukera duzula kongresua ospatzen den bitartean. Ordura arte, eskuratu aldez aurretik akreditazioa esteka honen bidez.

Parte-hartzaileak: BEC eta ADDIMAT

Hitzaldi honetan, MIT institutuak Fabrikazio Aditiboak entzule ezberdinei eskaintzen dizkien gaitasunak irakasteko duen ikuspegiaz hitz egingo dugu. FAri buruzko irakaskuntzako gai komunak errepasatuko ditugu eta, dagokionean, jakinduria komunak mahaigaineratzen dizkigun erronkei aurre egingo diegu. MITeko programen eta ikasleen populazioen kasu espezifikoen azterlanak landuko ditugu, eta FAko prestakuntza-ahaleginak eta FAko antolaketa-gaitasuna erlazionatzeko modua izango ditugu hizpide.

GE Aerospace enpresak azken hamarkadan haren turbina aeronautikoetarako egindako Fabrikazio Aditiboko garapen industrialak aurkeztuko dira hitzaldian, baita GE Additiveren FA teknologietan oinarritutako garapenak ere, turbinen hurrengo belaunaldian aplikatuko direnak. Garapen horien guztien artetik, plataforma baten barruan produktibitatea nola hazi azalduko dugu, pieza bakoitzaren kostua murriztuta: laser-potentzia handituta eta, horrez gain, 3D optikak eta elektroi-sorta bidezko fusio-teknologiarako (EBM) “Point Melt” fusio-estrategia berria erabilita. EBMn “Point Melt” estrategia (GE Additiveren patentea) erabiltzeak aukera ematen du euskarririk gabe eta oinarriko plakarik gabe ekoizteko, edozein norabidetan; metalaren fabrikazio aditiboan lehen aldiz lortu da hori. Hala, propietate mekaniko isotropiko eta zimurdura jarraituak eskuratzen dira. Abantaila horiek guztiek pieza bakoitzaren kostua nabarmen jaistea ahalbidetzen dute. Izan ere, eskuzko post-tratamenduak edo post-tratamendu oso konplikatuak saihesten dira. Gainera, urtutako materialaren mikroegitura kontrola daiteke, oso modu berritzailean. Horrek aukera berriak irekitzen ditu soldagarritasun txikiko materialekin lotuta (adibidez, nikelaren aleazioak (MAR247) turbinen tenperatura altuetarako, edo altzairu oso gogorrak (70HRC) higadura handiko aplikazioetarako).

• Sektore aeroespaziala. Miguel Ampudia - I+G eta metalurgia arloko zuzendaria - AENIUM
  
• Industria astunaren sektorea. Paula Rodríguez - ARCELORMITTAL
• Automobilgintza/sektore industriala.
• Trenen sektorea. Alejandro Serrano - Produktu-diseinatzailea. Fabrikazio Aditiboko Zentroaren arduraduna Madrilgo BMIn - AITIIP

Fabian van Rossum - ALTEC Manager South West Europe - Air Liquide

Quentin Mandou - R&D Engineer - Air Liquide

Siemensek FAren sektorean etorkizunean izango duen ibilbidea aurkeztuko du Sebastianek, eta sektoreko eta arlo akademikoko bazkide garrantzitsuekin dituzten proiektuetan biki digitalak eta adimen artifiziala nola aplikatuko dituzten azalduko du.

Arreta berezia jarriko zaio lotutako kostuak murrizteko moduari. Izan ere, FA modu orokortuan txertatzea eta FAren sektorean mundu erreala eta digitala konbinatzea eragozten duen oztopo nagusietako bat da.

Datuak prozesatzeko moduari buruzko adibideak aztertuko ditugu, eta piezen kalitatea handitzeko, piezak egiteko epea murrizteko eta FAren prozesuak hobeto ulertzeko erabil daitezkeen FAren sistema errealak ikusiko ditugu.

Parte-hartzaileak:

• Agustín García - Zuzendaria - SICNOVA
• Estibaliz Azaceta - Negozioen garatzailea - OPTIMUS3D
• Marc Gardon - EMEA aplikazioen zuzendaria - RENISHAW
• Martín Sáez - Iberiako Merkataritza Unitateko langileen arloko burua - MATERIALISE

Moderatzailea:

• Aitzol Lamikiz - Zuzendariordea - Aeronautikako Fabrikazio Aurreratuko Zentroa (CFAA)