José Greses - EMEAko salmenten burua - GE Additive (MAQUINSER)

J. Greses doktorea EMEAko salmenten burua da GE Additiven. Lidergo komertzialeko ardurak ditu eskualde osoan, eta medikuntzaren/hortzen sektorean, sektore aeroespazialean, automobilgintza-sektorean, petrolioaren eta gasaren sektorean eta industria orokorrean Additive Manufacturingen aplikazio berritzaileak (laserra, MBE, aglutinatzailea injektatzea, hauts metalikoak eta AddWorksen aholkularitza) garatzea eta bultzatzea da haren zeregin nagusia. Horren aurretik, Velo3Dn egon zen denbora-tarte labur batez, Europako salmenten zuzendari nagusi gisa. Eta GFMSn ere izan zen, FAren garapen komertzialeko zuzendari gisa. 14 urtean zehar, EOS GmbH-rekin lan egin zuen Josék, eta zuzendaritzarekin eta salmentekin lotutako hainbat kargu izan zituen. Iparraldeko esportazioen eskualdeko zuzendari-kargua izan zuen azkenekoa; hala, erantzukizunak zituen eremu nordiko eta baltikoetako, Erresuma Batuko, Irlandako eta EMEAko (Ekialdeko Europa, Errusia, Ekialde Ertaina eta Afrika) filialetan, merkataritza eta zerbitzu arloan. 2000. urteen hasieran, AIDOko (Espainia) laser-saileko makroprozesuen unitatea zuzendu zuen, eta The Welding Instituten (Erresuma Batua) lan egin zuen. Laser-soldaduraren gaineko doktoretza egin zuen Cambridgeko Unibertsitatean (Erresuma Batua), eta Itsas Teknologiako Zientzietako masterra egin zuen Cranfieldeko Unibertsitatean (Erresuma Batua). Era berean, Ingeniaritza Mekanikoko gradua ikasi zuen Valentziako Unibertsitate Politeknikoan (Espainia).