Martin Pei - Lehendakariorde exekutiboa & CTO - SSAB

Martin Pei siderurgian lizentziatua da Shenyango Northeastern Universityn (Txina) eta prozesu metalurgikoetan doktorea Stockholmeko Teknologiaren Errege Institutuan, Suedian (KTH Royal Institute of Technology). Pei jaunaren lan-esperientzia 1994an hasi zen Danielin. SSABen lehen mailako operazioetan egin du lan Oxelösunden, Suedian, 2001etik. Horrez gain, SSABeko lehendakariorde exekutiboaren eta zuzendari teknikoaren (CTO) kargua du 2007tik eta, halaber, SSABeko APACen negozio-saileko arduradunaren kargua izan zuen 2010ean eta 2014an.

Pei jauna da HYBRIT ekimenaren sustatzailea, SSAB, LKAB eta Vattenfallen artean sortutako lankidetza-proiektua, eta Hybrit Development ABko batzordeko lehen presidentea izan zen. Egun, SWERIMen —Swedish Research Institute of Mining, Metallurgy and Metals Research— batzordeko presidentea da, Suediako mehatzeen eta metalurgiaren ikerketa institutuarena. Gainera, Suediako Ingeniaritza Zientzien Errege Akademiako kidea da.